As entradas de Pavillón Superior para o Dépor-Atlético, esgotadas
As entradas de Fondo Pavillón Superior para o partido que o Dépor disputará fronte ao Atlético de Madrid o sábado 4 de novembro a partir das 16:15 horas, esgotáronse, do mesmo xeito que sucedeu días atrás coas localidades de Preferencia Inferior.
As entradas aínda dispoñibles estarán á venda no horario habitual da Oficina de Atención ao Deportivista, mañá venres de 10:30 a 13:30 e de 16:30 a 19:00 horas. Así mesmo, tamén poderán ser adquiridas en calquera momento mediante o sistema online de ABANCA.
O sábado, día do partido, despacharanse nos despachos de billetes do Palacio dos Deportes de Riazor desde as 10:30 horas e até o comezo do choque.