As finais da XXVI edición do Trofeo Mini Teresa Herrera en categoría prebenxamín e benjamín pásanse ao horario matinal o sábado 13, concretamente ás 10:30 en ABANCA-RIAZOR.
Na metade de campo correspondente á bancada de Pavillón, enfrontaranse na final benxamín o RC Deportivo e o Ural Español CF.
E na metade de campo próxima á bancada de Maratón mediranse no final prebenxamín o Ural Español CF e o CD Calasanz.
Final feminina e masculina xa pola tarde
Pola tarde, o programa arranca ás 18:00 horas coa disputa do X Trofeo Teresa Herrera feminino entre o Deportivo ABANCA e o FC Famalicão luso.
E ás 20:30, o Dépor enfrontarase ao FC Metalist Kharkiv ucraíno con motivo da LXXVII edición do Trofeo Teresa Herrera. Será a quinta cita da Dépor Xira Integral Motion 2022 e único partido na Coruña do verán antes de arrancar a liga en Primera Federación o 27 ou 28 de agosto.
