As xogadoras venezolanas Kika e Gaby, recentemente incorporadas ao Club, son as dúas novidades na lista de convocadas do Deportivo Abanca para o encontro de mañá sábado 11 de febreiro ás 16:00 en Ponte dos Brozos (Arteixo) ante o CD Monte. As branquiazuis non poden fallar para seguir a estela do líder.
Completan a convocatoria do técnico Manu Sánchez estas xogadoras: Anita, Malena, Miga, Cris, Carmela, Perdi, Ari, Miriam, Tere, Patri, Noe, María Corral, Lía e Tami.
Como é habitual, os socios do Deportivo teñen libre acceso ao partido. Para o público, a entrada sénior custa 10 euros; e 3 euros para os menores de 16 anos.
O Deportivo Abanca é segundo na táboa do grupo 1º de Segunda División Nacional con 40 puntos, a 7 puntos do líder, o Oviedo Moderno, que suma 47 puntos.
