Pepe Mel aumentou esta mañá a intensidade do adestramento do primeiro equipo, na segunda sesión desta pretemporada.
A mañá arrancou ás 9:30 horas nun dos ximnasios da Cidade Deportiva de Abegondo, con traballo de forza para todos os xogadores de campo. Mentres, os porteiros realizaron un adestramento específico con Manu Sotelo, xa no céspede.
A continuación, nos campos 2 e 3, houbo un circuíto físico con remates a portería e, para concluír, exercicios de rondos móbiles.
Nesta segunda parte con balón, Luisinho realizou tarefas específicas de recuperación, debido á escordadura do ligamento lateral interno do seu xeonllo esquerdo co que acabou a temporada pasada.
Tras a comida no Hotel Tryp Coruña (13:30 horas), o persoal regresará ao traballo esta tarde, ás 19:00 horas en Abegondo.
