Bodipo e De Guzman, titulares nos seus respectivos partidos clasificatorios para o Mundial 2010
Rodolfo Bodipo e Julian de Guzman foron onte titulares con Guinea Ecuatorial e Canadá nos seus respectivos partidos clasificatorios para o Mundial 2010 de Sudáfrica, fronte a Nixeria o primeiro e ante San Vicente e as Granadinas o segundo.
Guinea caeu en Malabo ante Nixeria (0-1) e complícase a súa clasificación. En San Vicente, Canadá deixou sentenciada a eliminatoria cun 0-3 contundente. Os partidos de volta serán o vindeiro venres 20 de xuño Canadá - San Vicente e as Granadinas e o sábado 21, Nixeria recibirá a Guinea Ecuatorial.
