Causan baixa respecto ao partido de onte en Villalba Borja Valle, cunha lumbalxia e Álvaro Queijeiro, cunhas molestias nos isquiotibiais da súa perna dereita.
No adestramento desta mañá, con Fede Cartabia e Borja Galán no ximnasio, Pepe Mel traballou fundamentalmente a estratexia ofensiva e defensiva.
Juan Domínguez, Celso Borges, Fayçal, Andone, Çolak, Carles Gil e Gerard Valentín, que iniciaron os adestramentos a mediados desta semana, tiveron ademais un traballo extra no ximnasio da cidade deportiva.
Os afeccionados branquiazuis que desexen presenciar o Arousa-Dépor no campo terán á súa disposición entradas de dous prezos. No despacho de billetes da Lomba, custará cada entrada 10 euros. Os peñistas branquiazuis e socios deportivistas poderán retirar entradas a 6 euros na sede da pena deportivista Perla de Arousa, sita na cafetaría Pórticos (rúa Alexandre Bóveda nº 26) en Vilagarcía de Arousa.
Tras o encontro, o persoal adestrarase de novo en Abegondo mañá sábado 15 de xullo ás 10:30 horas.
