- Foto: @FedeFutbol_CR -
Hoxe, venres 23 de marzo, tres deportivistas tiveron compromiso coas súas respectivas seleccións nacionais: Celso Borges con Costa Rica, Fabian Schär con Suíza, e o fabrilista Francis Uzoho con Nixeria.
O tres foron titulares, xogaron completo o seu partido e encima con vitoria por 0-1.
As tres selecciones ás que pertencen os xogadores branquiazuis están clasificadas para o próximo Campionato do Mundo de Rusia 2018.
Celso Borges, titular con Costa Rica en Escocia
A selección de Costa Rica, con Celso Borges entre os convocados, prepara ante Escocia e Tunisia a próxima cita mundialista.
Hoxe venres 23 de marzo, Costa Rica venceu (0-1) a Escocia no estadio Hampden Park de Glasgow. O mediocentro deportivista, alicerce básico do seu equipo nacional, foi titular e xogou os 90 minutos.
O martes 27 de marzo, a selección 'tica' mídese a Tunisia no Alliance Riviera da cidade francesa de Niza (20:00 horas).
Borges ten previsto aterrar na Coruña o mércores 28 ás 17:00 horas.
Suíza, con Schär no once, impúxose en Atenas
Suíza citou ao deportivista Fabian Schär para dous amigables de preparación para o próximo Campionato do Mundo.
Así, hoxe venres 23 de marzo, os suízos gañaron (0-1) a Grecia en Atenas. Schär, un fixo no centro da zaga, estivo todo o encontro sobre o céspede.
A segunda cita para os suízos será o martes 27 de marzo no Swissporarena de Lucerna (19:00 horas) ante Panamá.
O central branquiazul regresará á Coruña o mércores 28 ás 17:00 horas.
Francis xogou todo o partido fronte a Polonia
O meta deportivista Francis Uzoho foi convocado por Nixeria para dúas novas probas de cara ao Mundial de Rusia 2018.
Hoxe venres 23 de marzo, Nixeria impúxose (0-1) a Polonia en Breslavia. O meta fabrilista xogou enteiro o partido.
O martes 27, os nixerianos terán como rival a Serbia en The Hive Stadium en Londres (21:00, hora local).
Francis é baixa para o partido do Fabril ante o Pontevedra de mañá sábado 24 de marzo en Abegondo (17:00 horas).