Borja Jiménez admitiu na sala de prensa de ABANCA-RIAZOR que "saímos un pouquiño imprecisos na primeira parte. Non atopamos moi ben os espazos por dentro, tamén provocado un pouco por como nos defendían eles, con moitos xogadores. Tiñamos a idea que con Menudo e Mario Soriano neses costados poder atopar para logo liberar aos laterais. Pero custounos, non estivemos nada precisos en todas esas accións onde os atopabamos".
O técnico deportivista apunta que, a partir do minuto 30, a raíz do córner que case facemos gol, o equipo se ha ir atopando un pouquiño máis fiable en pases, que é o que necesitabamos. Levabamos a pelota moito máis controlada a tres cuartos de campo rival. Na segunda parte demos continuidade a todo iso, o equipo foi un pouco máis vertical coa entrada de Willy nese costado con Diego Aguirre e as aparicións de Mario Soriano entre liñas que nos xeran superioridade. Así que contentos coa vitoria, cos goles. Sabiamos que era un partido complicado no aspecto anímico por como viña o equipo das últimas semanas".
Segue crendo que "o equipo durante estas tres últimas xornadas merece algún punto máis dos que conseguiu, que é ningún. Cando perdes e es un gañador como é este equipo e non estás afeito perder e falo de maneira repetida, eles son os que están aí dentro e ven que non están a facer tantísimas cousas para perder. En moitas situacións son superiores ao rival. Iso queiras que non che mingua, vaiche facendo máis pequeniño, séntesche peor, máis feo... Pásalle a todo o mundo. É algo moi natural. Cando as cousas non lle van ben a un non no fútbol, en calquera ámbito da vida, vasche facendo máis pequeno e o que antes che saía con facilidade e sacabas peito agora tes medo. Eles ao final liberáronse un pouquiño co gol. Só fai falta ver as celebracións. Contento porque estamos onde queremos estar e isto continúa".
Mostrouse así mesmo "satisfeito" coa achega de futbolistas menos habituais como Aguirre, Calavera...: "De Diego (Aguirre) falamos máis veces a competencia tan forte que temos nese lateral. Hoxe entrou Menudo. Logo Josep (Calavera) e Rafa (de Vicente) son dous xogadores que fan moito mellor ao resto dos seus compañeiros; dannos un día a día fabuloso; cando compiten, os dous máis habitualmente o que o facían xornadas atrás, fano igual de ben. Hoxe, coa entrada de Josep, o equipo volveu a ter bastante control do partido, fomos capaces de facer dous goles coa entrada de Rafa, que tivo dúas situacións de gol. O equipo gañou en empaque e alégrome. E Borja Granero, xa vos falei máis veces da importancia que teñen moitos xogadores ou determinados xogadores dentro do grupo".
Ten claro Borja Jiménez que "se o equipo chegase noutra dinámica, estivésemos máis cómodos dentro do campo porque perder non axuda a sentirche mellor. Estamos nun momento que xeramos volume. Hoxe quizá non tantas ocasións, pero non creo que haxa moitos equipos que teñan a capacidade de facer de forma repetida tantos ataques, que iso non asegúrache gañar, pero si é a maneira que entendemos nós que che achega á vitoria e é un pouco sobre o que traballar. Hai días con menos ocasións, pois hoxe tivemos unha en balón parado, outra de Diego moi clara, á parte dos goles refírome. Outra vez sáennos cinco ou seis ocasiones próximas ao gol que é o que vimos buscando. Vimos de partidos onde xeramos doce; ou o día da Real Unión vinte. Pero todo iso é pasado. Agora quedan catorce xornadas e é a nosa liga, o noso camiño, ir sumando".
Pola súa banda, Eduardo Docampo, técnico do CD Calahorra e cuxa familia é oriúnda da Coruña, apunta que marcha de ABANCA-RIAZOR "coa sensación de facer un bo traballo, ao límite do que podemos. Estou moi satisfeito co traballo dos rapaces".
Cre que ao seu equipo faltoulle "algo máis de ataque, de ocasións e de ser máis contundente coas poucas que tivemos".
