RCD / NOVAS

Borja Valle e Vicente Gómez reciben o alta e entran na lista de convocados para recibir ao Elche CF

11/10/2018 13:47

Ao finalizar o adestramento desta mañá en Abegondo, Borja Valle e Vicente Gómez recibiron a alta médica e entraron na lista de 18 xogadores convocados para o partido de mañá venres 12 de outubro (21:00 horas, Gol e LaLiga 1|2|3 TV) ante o Elche CF en ABANCA-RIAZOR, correspondente á 9ª xornada en LaLiga 1|2|3.

Caen da convocatoria de maneira obrigatoria os lesionados Fede Cartabia e Dubarbier; ademais de Quique González, sancionado; e de Didier Moreno, concentrado con Colombia.

Na sesión desta mañá en Abegondo, após un quecemento e unha tarefa de remates a portería, Natxo González, técnico deportivista, dispuxo un partido ao ancho do campo, un exercicio de automatismos de ataque e, para concluír, ensaio de accións a balón parado, especialmente faltas laterais e saques de banda.

Os futbolistas convocados concéntranse mañá venres ao mediodía no Hotel Meliá María Pita, á espera do partido.

Tralo encontro ante o Elche, o cadro adestrarase de novo en Abegondo o luns 15 de outubro ás 18:00 horas.

RCD / AXENDA

13 DEC

Xoves 11:00 Abegondo

Adestramento

Campos 2-3

14 DEC

Venres 11:00 Abegondo

Adestramento

Campos 2-3

15 DEC

Sábado 11:00 Abegondo

Adestramento

Campos 2-3

16 DEC

Domingo 20:30 Estadio ABANCA-RIAZOR

Partido

Xornada18 RC Deportivo - R. Zaragoza

22 DEC

Sábado 20:45 Ramón de Carranza

Partido

Xornada19 Cádiz CF - RC Deportivo