Este domingo 9 de abril, o Xuvenil A finaliza a competición no grupo primeiro da División de Honra, coa clasificación para a Copa do Rei xa no peto, como un dos dous mellores terceiros do sete grupos. O conxunto deportivista, con 64 puntos, visita á Mariña Sport cántabro. Necesita vencer e que o Sporting de Xixón (66 puntos agora mesmo) caia derrotado en Avilés para lograr a segunda praza.
Tamén o domingo, a Fabril visita ao Ribadumia. Prohibido fallar para seguir mateniendo un colchón de 6 puntos sobre o segundo clasificado, o Rápido de Bouzas.
Cristóbal Parralo, técnico fabrilista, convocou a estes xogadores: Anxo, Álex Cobo, Blas, Quique Fornos, Arnau, Nacho Monsalve, Lucas, Edu, Álex Corredera, Jorge Carreón, Óscar, Jardel, Borja Domingo, Carlos López, Manu Molina e Anxo.
Xogaron hoxe sábado 8 de abril en Abegondo o Xuvenil B (7-1 ao Arousa), Cadete A (7-1 ao Arousa) e Infantil B (6-0 ao Bergantiños B). Con este resultado, o Infantil B proclamouse matematicamente campión do grupo 1º da Primeira División Autonómica, a falta de tres partidos.
É o cuarto título para a canteira deportivista esta temporada, tras os logrados polo Alevín A (Primeira Comarcal A Coruña), Alevín B (Segunda Comarcal A Coruña) e Benjamín B (Segunda Comarcal A Coruña).
Para mañá domingo, ademais do Fabril e Xuvenil A, queda o partido do Deportivo Abanca B en Arcade (16:30) e o do Infantil A en o campo coruñés da Leyma (12:00).
Esta fin de semana descansa o Cadete B, porque lle tocaba xogar contra o Xuventú de Aguiño (retirado da competición); o Alevín A, que participa desde mañá domingo no Mundialito de Cambrils (Tarragona); e o Benxamín B, que acabou a liga a semana pasada como campión da Segunda Comarcal A Coruña.
O calendario de partidos, cos resultados de hoxe sábado, é o seguinte:
Terceira División
RIBADUMIA - FABRIL, o domingo 9 de abril ás 17:30 no campo da Senra (Ribadumia)
Categoría feminina
Primeira División Autonómica: ARCADIA - DEPORTIVO ABANCA B, o domingo 9 de abril ás 16:30 no campo do Salgueirón (Arcade)
Categoría xuvenil
División de Honra: MARINA SPORT - XUVENIL A, o domingo 9 de abril ás 12:00 no campo Soto de la Marina en Santa Cruz de Bezana (Santander)
Liga Nacional: XUVENIL B 7 (Vermello -4-, César, Antón e Rivera) - AROSA 1
Categoría cadete
División de Honra: CADETE A 7 (Pichu -4-, Julián -2- e Iván) - AROSA 1
Categoría infantil
Liga Galega, grupo 1º: CALASANZ - INFANTIL A, o domingo 9 de abril ás 12:00 no campo da Leyma (A Coruña)
Primeira Autonómica, grupo 1º: INFANTIL B 6 (Matías, Hugo Baldomar -2-, Lombao, Quique e Xosé) - BERGANTIÑOS B 0
Categoría alevín
Segunda Fase, grupo 1º: LUIS CALVO D 0 - ALEVÍN B 10 (Hugo -2-, Carballo -2-, Dani, Samuel, Álvaro, Iván, Luis e Pablo)
Categoría benxamín
Primeira Comarcal A Coruña: BENXAMÍN A 4 (Montes -2-, Eli e Jairo) - LUIS CALVO A 0
