Caparrós advirte que mañá en Valladolid haberá un rival ''de primeira división''
Joaquín Caparrós fixo pública esta mañá a lista de convocados que viaxarán ás 16.00 por estrada a Valladolid, e que está formada por estes futbolistas: Aouate, Pablo Álvarez, Coloccini, Sergio, Taborda, Adrián, Munúa, Andrade, Capdevila, Juan Rodríguez, B
O técnico deportivista advirte que enfronte "haberá un equipo de Primeira División, cun refacho boísimo de resultados". Pide Caparrós aos seus futbolistas que "vaian a por o partido" e que "o afronten coma se non houbese partido de ida en Riazor". "Estamos a un paso das semifinais dun torneo moi bonito", lembra o adestrador do Deportivo.
Caparrós desvelou que deixa na Coruña a Arizmendi "para que teña descanso, posto que é case o noso único dianteiro" e a De Guzmán e Lopo para que melloren das súas molestias físicas. Todos eles, co resto de futbolistas que non entraron na lista, adestraranse ás 10.30 de mañá mércores en Abegondo.
Todo o persoal adestrarase o xoves ao cinco da tarde no Mundo do Fútbol, tendo en conta que o equipo chegará á Coruña cara ao catro da madrugada, tras o partido no Novo Estadio José Zorrilla.
