-Ao final o domingo decantouse por Rivera de principio en lugar de Adrián.
-Xa dixen que ían ter protagonismo, pero polas súas características preferín que fose así.
-Trastórnache moito os plans a lesión de Duscher?
-Era un mozo que estaba a adestrar a un bo nivel. Pero non hai que lamentarse dos que non están. O importante é que se recupere ben.
-Planeas dar entrada a Coloccini porque é o futbolista que máis se asemella a Duscher.
-É unha variante que temos e que xa pensaremos no que queda de semana.
-A enfermaría complícase agora tamén con Manuel Pablo.
-Son cousas da competición. É lóxico que suceda. Pero para iso temos tamén aos mozos do Deportivo B.
-18 goles a favor. Os menos goleadores desde hai 10 anos.
-Por iso o importante é o equilibrio defensivo. Se logramos manter ese equilibrio defensivo será bo. En caso contrario, pasaremos dificultades.
-E o lado positivo é que só dous goles encaixados desde xaneiro.
-Si. Un bo traballo de todo o equipo, porque todos son os culpables diso. Desde o traballo de Arizmendi ou Riki á defensa e o porteiro.
-O Dépor gaña en golaverage ao Vilarreal ou ao Zaragoza, por exemplo e teno perdido co Levante. Dáslle importancia a ésto?
-Pois claro. O Sevilla meteuse en UEFA nunha ocasión polo golaverage a favor co Atlético de Madrid. É importante.
-O Club inscribiu o equipo na Intertoto, que opinión meréceche?
-Non tiña nin idea. Pero bo, o Club fará o que estime oportuno.
-A Real Sociedade parece o típico partido trampa. Se ganas ben e se perdes, a cara que se che queda.
-Eu vin xogar á Real co Real Madrid ou coa Valencia e seguro que todos estades de acordo en que se gañase o partido non pasaría nada. Sorpréndeme que estea nesta situación. Nós teremos que ir coa mesma mentalidade e sabendo que para eles o partido é case como unha final.
