Carles Gil, autor do primeiro gol do partido, dixo estar "contento co debut, por poder xogar cos compañeiros". Márcase como obxectivo colectivo "facelo o mellor posible e conseguir o obxectivo. E a nivel persoal tentar axudar en todo o que poida e ser un xogador importante".
Pola súa banda, Nacho Monsalve manifestou estar "moi contento por poder debutar co Dépor e facelo o mellor posible. Agora, a seguir traballando". O central fabrilista explica que "estarei a adestrar co primeiro equipo e cando o filial necesite xogar con eles alí estarei. E cando o primeiro equipo necesite unha man tamén estarei".
