RCD / NOVAS

Carles Gil: "Xa sabemos cara onde temos que ir"

20/12/2016 17:34

Carles Gil explicou na sala de prensa de Abegondo, na súa comparecencia ante os medios de comunicación, que "entramos nunha dinámica que xa sabemos cara a onde temos que ir, o que queremos. Nótase que xogue quen xogue temos a lección aprendida, e imos todos polo mesmo camiño".

Mostrouse contento por "a marcha do equipo. As sensacións desde hai mes ou mes e algo son moi boas. O importante e o bo é que están a acompañar os resultados. Estamos contentos por iso".

Subliña con todo Carles Gil que "as sensacións se non as acompañas de resultados e de puntos serven de pouco. Neste caso estamos a facelo. Conseguimos dúas vitorias moi importantes en casa e estamos contentos por iso".

Cre que a evolución do Deportivo "foi con balón. Estamos a combinar moito máis, todos queremos o balón. Temos o balón porque sabemos que a mellor maneira de defender é ter o balón. Aprendemos que ese é o camiño".

Confesou arrastrar "unhas molestias no xeonllo desde fai uns partidos. Pero só son molestias que me permiten xogar. Ou sexa que ben".

Preguntado sobre o futuro de Babel, comenta que "todos lle demostramos xa o noso sentimento. Achéganos moitísimo. É un xogador con moita experiencia. Xa llo dixemos por activa e por pasiva. É decisión súa. Estamos a esperar que quede e oxalá sexa esa a súa decisión".

Referiuse tamén a Çolak, con quen se asocia frecuentemente durante os partidos: "É un grandísimo xogador. Parecémonos un pouco porque nos gusta tocar, combinar, ofrecernos. Un pouco é o cambio que pegou o equipo. Todos queremos o balón, todos queremos combinar, ter o balón. É o cambio que pegou o equipo e que non está a vir así de ben".

Máis novas de: CARLES GIL