O sevillano Carlos Fernández recoñeceu que o partido deste sábado 20 de outubro no Nuevo Arcángel de Córdoba (20:00 horas, LaLiga 1|2|3 TV), correspondente á 10ª xornada de LaLiga 1|2|3 é "bonito. É bonito volver á miña terra. Vai ser un partido especial. Irá moita parte da miña familia".
O dianteiro deportivista, tralo 'hat trick' logrado o pasado venres 12 de outubro en ABANCA-RIAZOR ante o Elche CF, asegura que "o importante é estar tranquilo. Ter claro a idea do equipo, de xogo, tentar achegar o máximo para o grupo. Aínda que de cara a porta nos primeiros partidos non estivese acertado, acheguei outro tipo de cousas ao xogo. O importante era que se conseguían puntos e gañábase, independentemente de quen faga os goles. Unha semana tocaralle a un e outra lle tocará a outros".
Nesta liña, reitera que "o máis importante é tentar gañar, tentar sumar e levar ao Dépor todo o máis alto. Está claro que unha semana lle tocará a Quique (González), outra a Christian (Santos), outra a Borja, outra a min, outra a outros compañeiros que non sexan dianteiros. O importante, o obxectivo é gañar".
Insiste en que "o gol está bastante repartido. Sen dúbida o importante é que gañemos, o importante é que o Dépor estea o máis alto posible. Facer que cada xornada consigamos máis puntos e cada semana esteamos máis preto de conseguir estar o máis arriba posible na clasificación".
Lembrou ademais un dato que indica que o Deportivo "é o primeiro ou segundo equipo que máis goles meten os seus puntas. Falamos a principios de temporada que o equipo defensivamente estaba ben, que concedía pouco, que encaixaba pouco e que quizais faltaba no xogo de ataque ter máis fluidez, que nos parecésemos un pouco máis ao Dépor de casa. Cada día estamos máis preto. Incluso o último partido fóra de casa xa se viu que cada vez estamos mellor".
En Córdoba, Carlos Fernández vaticina "un partido duro. Calquera partido da categoría vai ser duro, complicado. Ademais fóra de casa, ante a súa afección. Veñen de gañar 1-4 en Copa do Rei e eles cada partido veno como unha oportunidade de crecer, de mellorar. Está claro que vai ser un partido moi complicado e vánnolo a poñer moi difícil".
Pide atención no inicio do partido: "Van apertar bastante desde o principio. Hai que saír moi concentrados, ter as ideas moi claras. Tentar contrarrestar ese inicio tan forte que van ter e nós facer o noso fútbol".
Despois de varios partidos no once inicial, admite que non se esperaba unha adaptación tan rápida "despois da lesión, de practicamente non facer pretemporada, un equipo novo, adaptarte a vivir fóra de casa, a todo un pouco. O proceso foi bastante rápido. Gran parte de que ese proceso haxa ir tan ben o ten o Club, a xente que convive comigo no día a día. Axudáronme e fixéronmo todo moito máis fácil. Desde aquí agradecerllo porque a min facilitoume todo moito".
Sostén que nesta competición tan longa, "a regularidade é moi importante. Se en casa somos moi fortes e conseguimos fóra de casa manter ese nivel, está claro que temos moitas papeletas para ir enchendo a mochila, para ir facendo puntos e para seguir crecendo". "Tentaremos fóra de casa parecernos o máis posible ao Dépor que se está vendo en casa", apostila.
