Esta semana concluíu o segundo mes de actividade, febreiro, na Escola RC Deportivo.
Hoxe 1 de marzo, Carlos Fernández visitou aos 29 nenos e 2 nenas (Marta e Casilda) que participan na quenda dos venres, os cales repetirán todos no mes que arrinca.
O dianteiro sevillano sentou no céspede de Fútbol Indoor Coruña e transmitiu aos nenos e nenas, sentados á súa ao redor, algúns dos valores que lle levaron a ser futbolista profesional.
Por exemplo, Carlos explicoulles que para mellorar o golpeo con ambas as pernas e a técnica, "hai que escoitar sempre aos vosos adestradores".
O ariete deportivista pediulles a todos eles, tamén baixo a atenta mirada dos técnicos da Escola, que "en primeiro lugar divirtádesvos. Agora estudade e logo divertídevos co fútbol".
Contou o seu debut en Primeira co Sevilla FC, nun partido ante a Real Sociedad: "Tiña 17 anos. Tremíame todo dos nervios", confesou; e, para concluír, asinou postais, camisetas e, esta vez, as zapatillas de moitos dos alumnos. "Os vosos pais que non me rifen daquela eh!", chanceou.
Aqueles xogadores de 6 a 12 anos que queiran sumarse a esta actividade da Fundación Real Club Deportivo poden facelo informándose e inscribíndose en www.rcdeportivo.es/escola.
