- Foto: www.sefutbol.es -
O dianteiro do Deportivo Carlos Fernández está concentrado coa selección española sub-21 para 2 partidos amigables estes días.
Así, o equipo nacional dirixido por Luis de la Fuente mediuse en primeiro lugar hoxe mércores 14 de novembro (4-1) nas Gaunas (Logroño) a Dinamarca.
O ariete branquiazul entrou ao partido no minuto 67 en substitución de Dani Olmo.
O vindeiro luns 19, España visitará a Francia, nun encontro que se xogará no Estadio Michel D'Ornano en Caen (21:00 horas). Será a última cita do ano para a sub-21 española, que prepara así o Campionato de Europa do ano próximo.
Por este motivo, Carlos Fernández perdeuse o LXXIII Trofeo Teresa Herrera de hoxe mércores no Estadio ABANCA-RIAZOR ante o Athletic Club; e non estará tampouco no partido de LaLiga 1|2|3 correspondente á 14ª xornada do Deportivo en Almería do luns 19 de novembro (21:00 horas, Gol e LaLiga 1|2|3 TV).
Primeiro partido do fabrilista Pedro con Portugal sub-20
O dianteiro do Fabril Pedro Correia foi citado pola selección portuguesa sub-20 para tres partidos amigables este mes de novembro, todos eles en territorio luso.
Así, Portugal recibe a Polonia mañá xoves 15 (17:00 hora local, 18:00 en España) no Estadio Algarve de Faro. Ao día seguinte, venres 16 (17:00 hora local, 18:00 en España) o combinado luso mídese a Eslovaquia no Estadio Municipal Bela Vista na localidade de Parchal.
A última cita para Pedro co combinado sub-20 luso será tamén ante Eslovaquia, o domingo 18 no Estadio de Portimao (17:00 hora local, 18:00 en España).
Por este motivo, o dianteiro canteirán non estará dispoñible para Sergio Pellicer na cita desa fin de semana do Fabril, que será en Abegondo ante Las Palmas Atlético, o domingo 18 de novembro (12:00 horas).
