A xogadora do Deportivo ABANCA B Carlota Sánchez, que se proclamou o pasado mes de xaneiro campioa do Torneo do Atlántico en Santa Cruz de Tenerife, regresa á selección española sub-17 para uns adestramentos en Las Rozas (Madrid), do luns 22 ao mércores 25 de abril.
Esta concentración servirá de preparación para a Fase Final do Campionato de Europa sub-17, do 2 ao 18 de maio próximo en Bulgaria. A futbolista coruñesa conta con moitas opcións de ser convocada.
Carlota segue os pasos dados con anterioridade por outras xogadoras deportivistas como Teresa Abelleira, Nuria Rábano e Malena Mieres, tamén internacionais en categorías inferiores.
España sub-19 e Teresa Abelleira xa coñecen aos seus rivais na Fase Final do Europeo
Pola súa banda, a selección española sub-19, na que é un alicerce a capitá do Deportivo ABANCA Teresa Abelleira, medirase en primeira instancia a Inglaterra, Alemaña e Bélxica na Fase Final do Campionato de Europa que se xogará en Escocia do 16 ao 28 de xullo.
Ademais, neste torneo estarán en xogo as prazas para o próximo Campionato do Mundo sub-20.
España logrou o pasaporte para a máxima cita continental este mes de abril nun Mini Torneo Elite en Santiago de Compostela, coa xogadora deportivista como unha das grandes protagonistas.
As españolas aspiran ao seu terceiro título consecutivo, após alcanzar as 5 últimas finais.
