Os equipos Genuine de Real Club Deportivo e Club Deportivo Lugo vivirán este domingo unha xornada de convivencia apaixonante.
Con motivo do partido da liga SmartBank entre CD Lugo e Dépor que se disputará este domingo as 18:00 no Estadio Anxo Carro, ambas as entidades organizaron un programa de actividades paralelo para os seus equipos Genuine. A xornada comezará as 13:00 h. no Campo Municipal da Cheda onde se disputarán dous partidos simultáneos de fútbol 8 entre ambos os equipos. Ao estar ambos os conxuntos formados por máis de trinta xogadores acordouse a disputa de dous partidos para todos os xogadores poidan participar.
A continuación ambos os equipos gozarán dunha comida conxunta nas instalacións do Pazo de Feiras e Congresos de Lugo, como paso previo a acceder ao Estadio Anxo Carro onde poderán presenciar o partido e animar aos seus equipos na mesma zona, mostrando o respecto e a cordialidade que caracteriza aos equipos Genuine.
O prato forte da xornada chegará cando o once iniciais de albivermellos e branquiazuis salten ao terreo de xogo do Anxo Carro, xa que once integrantes de cada equipo Genuine acompañarán aos profesionais desde o túnel de vestiarios.
