Dúas caras novas atopouse Fernando Vázquez no adestramento de hoxe venres pola mañá en Abegondo: Celso Borges e o dianteiro Nicolás Ladislao Fedor Flores 'Miku'.
O internacional costarriqueño xa se adestrou o pasado mércores e onte xoves en solitario na Cidade Deportiva baixo a supervisión dun preparador físico do Club. Pola súa banda, Miku está pendente de asinar toda a documentación referida ao seu pase ao Dépor.
Con Vicente Gómez, Somma e Fede Cartabia fóra do equipo, o técnico deportivista tivo as ausencias de Borja Galán e Beauvue, con adestramento específico os dous futbolistas.
Após un quecemento e xogos con balón, Fernando Vázquez dispuxo ademais uns rondos, un exercicio táctico no campo 2, un circuíto de forza e, para concluír, fútbol en espazo reducido, de alta intensidade.
Pola tarde, o cadro adestrarase de novo ás 18:00 en Abegondo.
