RCDeportivo RCDeportivo RCDeportivo
Skip to main content
GL
PORTADA

Celso Borges, novidade na convocatoria para o LXXII Trofeo Teresa Herrera

Celso Borges é a novidade na lista de 22 xogadores convocados para a LXXII edición do Trofeo Teresa Herrera que mañá sábado 5 de agosto disputarán no Estadio ABANCA-RIAZOR o Deportivo e o West Bromwich Albion (20:30 horas).

O internacional costarriqueño xa está recuperado dun pisotón nun pé que sufriu en Ferrol e que lle impediu xogar en Porto e en Oviedo, os dous últimos amigables do Dépor.

Pepe Mel citou en total para mañá a 22 futbolistas, entre os que non está Carles Gil, lesionado.

No adestramento desta mañá, cos fabrilistas Edu Expósito e Francis, o Dépor realizou rondos, exercicios de presión e fútbol en espazo reducido.

Os futbolistas convocados para o choque ante o conxunto inglés, no decimoprimer amigable deste verán para o Dépor, están citados mañá sábado ás 19:00 horas no mesmo Estadio ABANCA-RIAZOR.