- Foto: @fedefutbolcrc -
Celso Borges tivo compromiso hoxe venres 13 de novembro coa selección do seu país, Costa Rica. O seu rival foi Qatar no estadio Hartberg de Viena (Austria).
O centrocampista branquiazul, 'titularísimo' para o seleccionador nacional Ronald González, disputou completo o encontro, que acabou con empate (1-1).
O segundo partido amigable para o mediocentro deportivista terá lugar o luns 16 (20:45) fronte ao País Vasco no estadio de Ipurúa de Eibar.
A pesar desta citación internacional, Celso Borges non se perderá ningún partido co Dépor debido a que coincide con parón ligueiro no subgrupo A do grupo 1º de Segunda División B.
O internacional do Deportivo ten previsto regresar o martes 17 ao mediodía á Coruña.
