O porteiro José Manuel Leobalde 'Chema', o centrocampista Aarón Sánchez e o dianteiro Pedro Alves Correia, compoñentes do Xuvenil A durante a pasada temporada, comezarán mañá mércores a pretemporada co primeiro equipo.
Chema, Aarón e Pedro súmanse ao porteiro Francis Odinaka Uzoho, aos centrocampistas Edu Expósito e Javier Fernández 'Bicho' e aos dianteiros Óscar Pinchi e Borja Galán na lista de canteiráns que se unen ao primeiro cadro para traballar de inmediato ás ordes de Pepe Mel.
