Os deportivistas Celso Borges, Michael Krohn-Dehli, Fabian Schär e os fabrilistas Francis Uzoho e Ismael Díaz foron convocados polas súas respectivas seleccións para a disputa da Copa do Mundo de Rusia 2018, que comezará o xoves 14 de xuño.
As 32 seleccións participantes tiñan até hoxe luns 4 de xuño para comunicar á FIFA as súas convocatorias definitivas de 23 futbolistas. Finalmente, como xa quedara claro onte domingo coa publicación da relación definitiva de Dinamarca, serán 5 os xogadores pertencentes ao RC Deportivo que estarán presentes na cita universal.
De todos os xeitos, as listas aínda poden ser modificadas en caso de lesión grave até 24 horas antes do inicio do primeiro partido de cada un dos combinados nacionais na fase final do Mundial.
Borges, que lucirá o número 5, disputará a súa segunda Copa do Mundo coa selección de Costa Rica, a primeira como xogador deportivista, do mesmo xeito que fará Schär con Suíza (que xogará co 22), pois ambos estiveron presentes na pasada edición, en 2014. Ambos, ademais, veranse as caras en Rusia, na terceira e última xornada do Grupo E, o mércores 27 de xuño en Nizhny Novgorod.
O danés Krohn-Dehli (dorsal 2), o nixeriano Francis (23) e o panameño Ismael Díaz (10) debutarán na máxima competición futbolística do planeta.
Outro xogador deportivista, Fede Valverde, foi cortado en última instancia pola súa selección, Uruguai.
Este é o calendario de partidos, amigables previos e da fase de grupos mundialista, dos 5 deportivistas.
Celso Borges
Amigables
Xoves 7 de xuño
21:00: INGLATERRA - COSTA RICA, en Elland Road (Leeds, Inglaterra)
Luns 11 de xuño
20:45: BÉLXICA - COSTA RICA, no estadio Rei Balduíno (Bruxelas, Bélxica)
Copa do Mundo (Grupo E)
Domingo 17 de xuño
16:00: COSTA RICA - SERBIA, no Samara Area
Venres 22 de xuño
15:00: BRASIL - COSTA RICA, no San Petersburgo Stadium
Mércores 27 de xuño
21:00: SUÍZA - COSTA RICA, no Nizhny Novgorod Stadium
Fabian Schär
Amigable
Venres 8 de xuño
19:00: SUÍZA - XAPÓN, no estadio Cornaredo (Lugano, Suíza)
Copa do Mundo (Grupo E)
Domingo 17 de xuño
21:00: BRASIL - SUÍZA, no Rostov Area
Venres 22 de xuño
20:00: SERBIA - SUÍZA, no Kaliningrad Stadium
Mércores 27 de xuño
21:00: SUÍZA - COSTA RICA, no Nizhny Novgorod Stadium
Francis Uzoho
Amigable
Mércores 6 de xuño
15:00: REPÚBLICA CHECA - NIXERIA, no NV Area (St. Pölten, Austria).
Copa do Mundo (Grupo D)
Sábado 16 de xuño
21:00: CROACIA - NIXERIA, no Kaliningrad Stadium
Venres 22 de xuño
18:00: NIXERIA - ISLANDIA, no Volgograd Area
Martes 26 de xuño
21:00: NIXERIA - ARXENTINA, no San Petersburgo Stadium
Michael Krohn-Dehli
Amigable
Sábado 9 de xuño
20:00: DINAMARCA - MÉXICO, no Brøndby Stadion (Brøndby, Dinamarca).
Copa do Mundo (Grupo C)
Sábado 16 de xuño
19:00: PERÚ - DINAMARCA, no Mordovia Area (Saransk)
Xoves 21 de xuño
16:00. DINAMARCA - AUSTRALIA, no Samara Area
Martes 26 de xuño
17:00: DINAMARCA - FRANCIA, no Luzhniky Stadium (Moscova)
Ismael Díaz
Amigable
Mércores 6 de xuño
19:00: NORUEGA - PANAMÁ, no Ullevaal Stadium (Oslo, Noruega)
Copa do Mundo (Grupo G)
Luns 18 de xuño
17:00. BÉLXICA - PANAMÁ, no Fisht Stadium (Sochi)
Domingo 24 de xuño
15:00: INGLATERRA - PANAMÁ, en Nizhny Novgorod
Xoves 28 de xuño
21:00: PANAMÁ - TUNISIA, no Mordovia Area (Saransk)
