Cinco futbolistas, a día de hoxe, causarán baixa por motivos médicos este domingo 20 de maio en Mestalla ante o Valencia CF (12:00 horas, Bein LaLiga), no último partido de LaLiga Santander: Sidnei, Bóveda, Fede Cartabia, Carles Gil e Andone.
Esta mañá, no adestramento diario, quedou no vestiario Fabian Schär, cunhas molestias nos isquiotibiais da súa perna dereita. Mañá sábado, no último adestramento da temporada 2017-18, os técnicos decidirán se o internacional suízo está en plenas condicións de competir ante o Valencia CF.
