O Benxamín B desprázase mañá venres 23 de xuño á localidade portuguesa de Esmoriz para participar na Barrinha International Cup 2017.
O conxunto deportivista chega en gran momento de forma, pois acaba de proclamarse campión do Torneo Vila das Pontes (o domingo pasado) e subcampión do Trofeo Concello de Boiro (o día anterior, sábado).
O calendario do Benxamín B na Primeira Fase en Portugal é o seguinte:
Venres 23 de xuño
19:10: CORTEGAÇA - BENXAMÍN B
20:50: BENXAMÍN B - FEIRENSE
Sábado 24 de xuño
10:40: FC PORTO DRAGÓN FORCE VITALIS - BENXAMÍN B
15:50: BENFICA - BENXAMÍN B
O Alevín B compite este sábado e domingo na CDLU CUP 2017
O Alevín B participa esta fin de semana na CDLU CUP 2017, un torneo organizado polo CD Lugo no Estadio Anxo Carro.
O cadro deportivista terá como rivais na Primeira Fase ao Sporting de Gijón, Victoria e Málaga CF.
O calendario do Alevín B é o seguinte:
Sábado 24 de xuño
12:00: ALEVÍN B - SPORTING DE GIJÓN
15:00: ALEVÍN B - VICTORIA
19:00: MÁLAGA - ALEVÍN B
Os dous primeiros clasificados pasan a cuartos de final, que se xogarán xa o domingo 25.
O Infantil B conclúe a temporada co Levante Cup
O Infantil B pecha esta fin de semana unha longa temporada, marcada pola consecución do título ligueiro no grupo 1º da Primeira Autonómica.
Os deportivistas participan no Levante Cup 2017, un torneo que se disputa en Almería, en catro sedes (Garrucha, Mojácar, Turre e Vera), do venres 23 ao domingo 25 de xuño.
O sorteo do calendario de competición será o venres. Haberá unha Primeira Fase que se xoga baixo o sistema de liguiña. A continuación, os dous primeiros de grupo pasan á Fase polo Título e os dous seguintes, a unha Fase de Consolación.
Dobre representación do Club (Alevín A e Benxamín A) no Torneo do Coruxo FC
Dous equipos (Alevín A e Benxamín A) representarán ao RC Deportivo no Torneo que organiza o Coruxo FC no campo do Vao (Vigo) este sábado 24 de xuño.
Así, o Alevín A ten este calendario na Primeira Fase:
10:30: ALEVÍN A - PORTO
13:00: CORUXO - ALEVÍN A
16:00: ALEVÍN A - PORRIÑO
Os tres primeiros clasificados acceden a cuartos de final, que se xogan a continuación.
Pola súa banda, o Benxamín A competirá con estes horarios na Primeira Fase:
10:30: BENXAMÍN A - PORTO
12:00: CORUXO - BENXAMÍN A
15:00: BENXAMÍN A - PORRIÑO
Os tres primeiros clasificados pasan a cuartos de final, xa inmediatamente.
