RCDeportivo RCDeportivo RCDeportivo
Skip to main content
GL
PORTADA

Cita internacional mañá luns para Lampropoulos

Vassilis Lampropoulos ten mañá cita internacional con Grecia.

Os outros dous deportivistas internacionais, Gaku e Montero, xogan o martes 19 en Xapón e Israel respectivamente.

Lampropoulos mídese en Atenas a Finlandia

Vassilis Lampropoulos foi citado pola selección de Grecia para dous partidos oficiais, clasificatorios ambos para a Eurocopa 2020.

Mañá luns 18 (21:45 hora local, 20:45 en España), o combinado heleno recibe a Finlandia no Estadio Olímpico de Atenas.

Os gregos, xa sen opcións de clasificación directa, necesitan gañar ese choque para ter algunha posibilidade de disputar os playoffs.

Grecia mediuse a Armenia o pasado venres 15 de novembro no estadio Republican Vazgen Sargsyan da capital Yerevan.

O resultado favoreceu aos gregos (0-1), con Lampropoulos no banco durante os 90 minutos.

Amigable para Gaku ante Venezuela

Gaku Shibasaki está concentrado con Xapón para dous partidos neste mes de novembro.

O martes 19, Xapón recibe a Venezuela nun amigable que se xogará no Panasonic Stadium da cidade de Suita, ás 19:25 horas (11:25 en España).

O pasado xoves 14, o combinado nipón visitou a Kirguizistán no Estadio Dolen Omurzakov da capital Bishkek, en choque clasificatorio para o Mundial 2022 de Qatar e a Copa de Asia 2023 de China.

Gaku foi titular e xogou os 90 minutos dun encontro que acabou con triunfo nipón (0-2).

Montero xogará en Israel coa sub-21

Francisco Javier Montero está convocado pola selección española sub-21 para dous partidos clasificatorios para o Campionato de Europa da categoría.

O martes 19 (19:30 hora local, 18:30 en España), a selección española enfróntase a Israel, nun partido que se xogará no Ramat Gan National Stadium de Ramat Gan.

O xoves 14 de novembro, España superou a Macedonia (3-0) no Estadio Municipal de Santo Domingo en Alcorcón.

Montero seguiu o partido desde o banco e non chegou a saltar ao terreo de xogo.