Varios equipos de #ANOSACANTEIRA que están xa en pretemporada teñen cita amigable esta semana e desde hoxe martes 8 de agosto.
Esta noite, o Xuvenil A abriu o calendario ante o UD Paiosaco, de Terceira RFEF, na Porta Santa. Garaboa adiantou aos branquiazuis no minuto 17 e igualou o equipo local após o descanso: 1-1.
Foi a terceira cita este verán para o conxunto que prepara Manuel Pablo. Até o momento levaba unha derrota co Real Madrid CF (0-4) e un empate (2-2) fronte ao CSD Arzúa, de Terceira RFEF.
Mañá mércores hai tripla cita. O Fabril recibe no campo 4 de Abegondo (19:00 h.) ao UD Somozas; o Xuvenil B visita (20:30 h.) ao San Tirso de Preferente Autonómica en O Monte; e o Cadete ao Bergantiños CF de categoría xuvenil (19:30 h.), neste caso no seu primeiro exame estival.
Ademais estréase nesta pretemporada o Dépor ABANCA B (domingo en Ribadumia) ante o Umia CF do seu mesma categoría, Primeira Nacional; e o San Tirso SD cadete o sábado 13 (10:30 h.) ante o Bertamiráns FC no campo do equipo santiagués.
O calendario de partidos xa confirmados, sempre susceptible de sufrir variación nos próximos días, cos resultados dos xa xogados, é o seguinte:
Terceira RFEF
FABRIL - UD SOMOZAS, o mércores 10 de agosto ás 19:00 en Abegondo (campo 4)
FABRIL - BERGANTIÑOS CF, o sábado 13 de agosto ás 11:00 en Abegondo (campo 4)
Categoría feminina
UMIA CF - DEPORTIVO ABANCA B, o domingo 14 de agosto ás 11:00 no campo da Bouza (Barrantes, Ribadumia)
Categoría xuvenil
XUVENIL A 1 (Garaboa) - UD PAIOSACO 1
CD LALÍN, de Primeira Autonómica - XUVENIL A, o venres 12 de agosto ás 18:30 no Manuel Anxo Cortizo
SAN TIRSO SD de Preferente Autonómica - XUVENIL B, mañá mércores 10 de agosto ás 20:30 en O Monte
XUVENIL B - CD CALASANZ A, o sábado 13 de agosto ás 10:00 en Abegondo
Categoría cadete
BERGANTIÑOS CF xuvenil - CADETE, o mércores 10 de agosto ás 19:30 nas Eiroas
BERTAMIRÁNS FC - SAN TIRSO, o sábado 13 de agosto ás 10:30 no Municipal de Bertamiráns
