Despois deste parón, desvelou que ten "moitas ganas" de xogar xa este sábado 19 de novembro en Riazor ante o Sevilla (13.00 horas, Bein Sports). "Quixemos gañar en Selecta pero non puidemos. Agora queremos gañar ao Sevilla", recalca.
Do conxunto hispalense de Jorge Sampaoli, destaca Çolak que é un equipo "moi forte, atacante. Pero non nos importa. Queremos sacar o tres puntos, que nos fan falta. Queremos gañar todos os partidos en Riazor".
Resolveu a súa ausencia en Vigo, no último derbi ante o RC Celta: "Respecto a decisión do adestrador. Neste partido non pensaron en min. Miro adiante. Este tema está pechado". "Non lle dei moita importancia. Tento xogar todos os partidos. Antes de xogar contra a Valencia fixen moito esforzo para xogar e xoguei", engade.
Subliña Emre, un dos futbolistas máis queridos polo deportivismo, que está "feliz aquí. Estou mellor do que pensaba. Temos que adoitarnos a gañar todos os partidos. Estou a adaptarme aquí. Cando me adapte, vou dar o mellor. Gústame moito a cidade e o equipo".
