RCDeportivo RCDeportivo RCDeportivo
Skip to main content
GL
PORTADA

Conta atrás no Deportivo ABANCA para o seu debut na Copa da Raíña

Despois de 3 días de descanso para desconectar da Primera Iberdrola, o Deportivo ABANCA inicia mañá xoves 6 de febreiro a conta atrás para o choque de oitavos de final de Copa da Raíña, a partido único, ante o Valencia CF Femenino o martes 11 de febreiro ás 20:00 en ABANCA-RIAZOR.

Manu Sánchez, técnico deportivista, dispuxo 5 sesións de adestramento, todas en Abegondo, segundo esta planificación:

Xoves 6 de febreiro
17:00: Adestramento en Abegondo

Venres 7 de febreiro
17:00: Adestramento en Abegondo

Sábado 8 de febreiro
10:30: Adestramento en Abegondo

Domingo 9 de febreiro
10:30: Adestramento en Abegondo

Luns 10 de febreiro
17:00: Adestramento en Abegondo

Martes 11 de febreiro
20:00: Deportivo ABANCA - Valencia CF Femenino, en ABANCA-RIAZOR

ABANCA regala unha bufanda aos primeiros 5.000 asistentes

ABANCA quere colaborar para dar colorido ao histórico primeiro partido oficial de #ASNOSAS no Estadio ABANCA-RIAZOR.

Para iso, regalará aos 5.000 primeiros deportivistas que accedan ao Estadio unha bufanda exclusiva do Dépor ABANCA. As bufandas repartiranse, até fin de existencias, equitativamente entre as 4 bancadas habilitadas para o partido.

Entradas solidarias a 2 euros

Por outra banda, xa están á venda as entradas solidarias a 2 euros para o encontro, cantidade que se doará, integramente, á Cocina Económica de A Coruña.

Pola súa banda todos os socios do Club terán acceso libre (aínda que non á súa bancada habitual nos partidos de LaLiga xa que se habilitarán, inicialmente, só as bancadas inferiores da instalación. Puertas de acceso: 22 e 23 -Pavillón-; 14 e 18 -Preferencia-; 2 e 29 -Tribuna-; 6, 9 e 11 -Marathón-).

As entradas poden adquirirse na Oficina de Atención ao Deportivista (Estadio ABANCA-RIAZOR, avenida da Habana s/n), aberta de luns a venres de 10:00 a 13:30 e de 16:30 a 19:00 horas.

Tamén se poden comprar de luns a sábado nas DéporTiendas de ABANCA-RIAZOR e Marineda City (de 10:00 a 20:30 no Estadio e até as 22:00 no Centro Comercial).