Os DéporCampus Cabreiroá 2018 xa superaron o milleiro de participantes, xusto co peche de inscricións da primeira quenda en Abegondo, ademais dos de Zas, Ordes e Ourense.
O vindeiro luns 25 de xuño arrancará na Cidade Deportiva a primeira das seis quendas que terán lugar na mesma, con 155 mozos inscritos. O resto de quendas, para os que aínda é posible inscribirse agás Zas, Ordes e Ourense, suman a día de hoxe 468 inscritos.
Xunto aos 400 inscritos no resto de sedes, o total alcanza os 1.023 participantes.
Nesta ligazón podes cubrir o formulario para participar en calquera dos DéporCampus Cabreiroá 2018. O peche do prazo de inscrición de cada quenda producirase ao mediodía do xoves previo ao comezo de cada un deles.
Os DéporCampus Cabreiroá creceron de forma exponencial desde a chegada do actual consello de administración do RC Deportivo. Dun campus cunha única sede e menos dun centenar de nenos e nenas en 2013 pasáronse ás actuais 15 localizacións. Este verán estréanse 6 sedes: Ourense, Cuntis, Dumbría, Boiro, Camargo (Cantabria) e Plasencia (Cáceres), que se suman ás xa existentes en Abegondo, Viveiro, Bertamiráns, Caranza, Monforte, As Pontes, Ordes, Zas e Xenebra (Suíza).
