RCD / NOVAS

Cristóbal: "Espero referendar o bo traballo que se está facendo"

18/11/2017 16:33

Cristóbal Parralo subliñou esta mañá na sala de prensa do Estadio ABANCA-RIAZOR que espera que mañá domingo 19 de novembro en Málaga (12:00 horas, Bein LaLiga) "referendar o bo traballo que se está facendo. Estamos a adestrar ben, traballando ben".

O técnico deportivista insiste en que está "encantado en como están a adestrar, en como están a traballar. Gustaríame que o partido de Málaga désenos ese premio ao traballo que están a facer".

Insiste en que ten "boas sensacións polo traballo que están a realizar nos adestramentos, pero logo chega a competición e aí é onde hai que competir".

Nesta liña, advirte que para sacar algo positivo mañá domingo na Rosaleda, "hai que competir, hai que ir ao campo e tentar impoñernos ao rival para conseguir os tres puntos".

Por iso, pide "saír a gañar o partido desde o primeiro instante e ter esa ambición. E é o que buscamos".

Preguntado pola amplitude do vestiario, Cristóbal admite que "está satisfeito co cadro que teño ao meu cargo. Dixemos que é un cadro moi amplo e iso está claro. Non me gusta ter que deixar xogadores fóra cando están a adestrar ben, están a traballar. Pero ao final somos profesionais, temos que acatar as decisións que se toman".

Así, aproveitou para lanzar esta mensaxe ao seu cadro: "Nesta lista hai novidades. Entrou Rubén, Borja Valle, Gerard... Queda moita temporada por diante. A min o traballo gústame premialo. O que temos claro é que estamos centrados en tentar conseguir os puntos necesarios para ter esa tranquilidade. Agora hai que traballar duro, tentar convencer de que se merece estar na convocatoria e no once. Está a facerse un bo traballo, pero hai que esperar o momento adecuado para dar esas oportunidades".

Máis novas de: CRISTÓBAL