Cruel derrota do Xuvenil B (4-5) no minuto 90 após ir gañando 4-2 e sufrir unha expulsión na recta final
Xuvenil B e Ourense CF protagonizaron en Abegondo un espectacular encontro correspondente á 3ª xornada na liga Nacional, que se resolveu no minuto 90 a favor dos ourensáns (4-5).
O choque, que estivo infestado de alternativas no marcador, parecía definitivamente de cor branquiazul no minuto 55, co 4-2 provisional, grazas ás dianas de Carracedo, Portas, Noel e Padín.
A partir de aí cambiou de novo o rumbo do encontro. Os visitantes recortaron diferenzas e, con 3-4, o Xuvenil B sufriu a expulsión de Dani Barcia por dobre amarela. Esta circunstancia deu ás ao Ourense CF, que foi capaz de darlle a volta ao marcador no último suspiro, para levar un excesivo botín.
Con este resultado, o Xuvenil B segue coa súa conta de puntos a cero.
Xuvenil B: Brais, Concheiro, Añón, Carracedo, Dani Barcia, Pablo Martínez, Aye, Portas, Noel, Jairo e Padín. Tamén xogaron: Nájera, Chucas, Urdiales e Ian.
A próxima fin de semana, o Xuvenil B visita ao ED Val Miñor B.
Os resultados do Xuvenil B son os seguintes:
Xuvenil B 3 (Noel, Añón e Urdiales) - Alondras CF 4 RC Celta B 1 - Xuvenil B 0 Xuvenil B 4 (Carracedo, Portas, Noel e Padín) - Ourense CF 5