Dous dos grandes porteiros que tivo o RC Deportivo nas súas filas, Dani Aranzubia e Fabricio Agosto, visitaron de forma virtual aos metas xuvenís e cadetes de #ANOSACANTEIRA, nunha actividade coordinada por Alberto Casal, técnico de porteiros do Fabril.
Participaron os gardametas Alberto, Íker Pedra, Rodrigo Toja, Nuno, Hugo Ríos, Unai, Hugo Lemos, Sergio Varela e Adrián Pereda.
A actividade, que se prolongou por espazo dunha hora, serviu para que Aranzubia e Fabricio contasen anécdotas do seu pasado branquiazul e respondesen as cuestións dos novos porteiros deportivistas.
Tanto Dani Aranzubia como Fabricio mostráronse orgullosos de vestir a camiseta do Deportivo.
