Daniel Regos Vilares (Ordes, 1984) é, desde hoxe, novo delegado do primeiro equipo masculino do Real Club Deportivo.
Enxeñeiro técnico en Informática de sistemas pola Universidade da Coruña, Regos traballa desde 2012 no departamento de adestradores da Real Federación Galega de Fútbol, desde onde se coordinan os cursos de adestrador que se imparten por toda Galicia. Experto en plataformas de xestión federativa, exerce tamén como delegado das seleccións galegas sub14 e sub16.
Regos compatibilizará os seus labores de delegado do RC Deportivo nas viaxes e partidos como local do equipo coa súa actividade diaria na RFGF.
