Definido o calendario do Xuvenil A no subgrupo A da División de Honra
O Xuvenil A que prepara Óscar Gilsanz xa coñece aos seus rivais no subgrupo A do grupo 1º da División de Honra: ED Val Miñor Nigrán, RC Celta, CD Conxo Santiago, CD Choco, CD Calasanz, Racing de Ferrol, CD Lugo, Pabellón Ourense CF e Ural CF.
A competición, que arranca o próximo 1 de novembro, celebrarase nesta primeira parte da temporada polo sistema de liga a dobre volta.
O Xuvenil A arranca o subgrupo en Lugo e conclúe na Coruña ante o Ural CF (7 de marzo).
Os derbis ante o RC Celta serán na Madroa o 29 de novembro (5ª xornada) e en Abegondo o 7 de febreiro (14ª xornada).
Os 5 primeiros postos accederán á Segunda Fase para a Copa de Campións mentres que os clasificados nas restantes posicións disputarán a Segunda Fase pola Permanencia en División de Honra.
Os puntos obtidos, así como os goles, tanto a favor como en contra, arrastraranse á seguinte fase, comezando cada equipo a súa fase específica cos puntos e goles obtidos na Primeira Fase.