Dépor ABANCA e CD Lugo PM Friol xogan a final de Copa o martes 11 en Ordes
O Deportivo ABANCA medirase ao CD Lugo Peluquería Mixta Friol o martes 11 de xuño ás 20:00 horas no campo de Vista Alegre (Ordes), na gran final da Copa Galicia de Segunda Nacional. A entrada será gratuíta para os afeccionados.
As deportivistas buscan o seu segundo título copeiro consecutivo para pechar unha temporada histórica, co reto cumprido do ascenso á Liga Iberdrola.
Manu Sánchez, técnico deportivista, dispuxo adestramentos até o luns 10 de xuño, para preparar o encontro ante as lucenses, únicas que foron capaces de rabuñar 1 punto ás branquiazuis, con motivo da 1ª xornada de liga.
A planificación semanal definitiva do Deportivo ABANCA é a seguinte:
Martes 4 de xuño 20:30: Adestramento en Abegondo
Mércores 5 de xuño 20:00: Adestramento en Abegondo
Xoves 6 de xuño 20:30: Adestramento en Abegondo
Venres 7 de xuño 19:00: Adestramento en Abegondo
Luns 10 de xuño 20:30: Adestramento en Abegondo
Martes 11 de xuño Copa Galicia, final: Deportivo ABANCA - CD Lugo Peluquería Mixta Friol, ás 20:00 horas en Vista Alegre (Ordes)