RCDeportivo RCDeportivo RCDeportivo
Skip to main content
GL
PORTADA

Deportivo e CD Calasanz adxudícanse o Trofeo Mini Teresa Herrera

O Deportivo en categoría benxamín e o CD Calasanz en prebenxamín adxudicáronse a XXVI edición do Trofeo Mini Teresa Herrera, que este ano pasou a horario matinal en ABANCA-RIAZOR.

Na metade de campo correspondente á bancada de Pavillón, o Deportivo dobregou ao Ural Español CF na quenda de penaltis (3-1). Ao final do tempo regulamentario chegouse con igualada (2-2), marcador que reflicte o disputado que foi o encontro.

E na metade de campo próxima á bancada de Maratón, na final prebenxamín, o CD Calasanz foi hoxe mellor que o Ural Español CF: 7-1.

Final feminina e masculina esta tarde

Pola tarde, o programa arranca ás 18:00 horas coa disputa do X Trofeo Teresa Herrera feminino entre o Deportivo ABANCA e o FC Famalicão luso.

E ás 20:30, o Dépor enfrontarase ao FC Metalist Kharkiv ucraíno con motivo da LXXVII edición do Trofeo Teresa Herrera. Será a quinta cita da Dépor Xira Integral Motion 2022 e único partido na Coruña do verán antes de iniciar a liga en Primera Federación o 27 ou 28 de agosto.