O Deportivo ABANCA regresa á competición ligueira após o parón da semana pasada.
O próximo visitante a Ponte dos Brozos (Arteixo), mañá domingo 15 de abril ás 12:00 horas, será o Victoria CF da Coruña, en choque pertencente á 25ª xornada.
Será un bonito derbi coruñés, cun ollo posto no partido do Oviedo Moderno a esa mesma hora ante o Victoria FC de Santiago.
As asturianas son líderes con 69 puntos, con 2 puntos de vantaxe sobre o Deportivo ABANCA, que ten 67 puntos.
Manu Sánchez recupera para o encontro a Teresa Abelleira, que logrou con España sub-19 a súa clasificación para a Fase Final do Campionato de Europa.
Ademais de Teresa, o técnico deportivista citou para este partido a: Anita, Malena, Miriam, Lía, Silvia Mérida, Estefi, Kika, Cris, Peke, Oreiro, Laura, Raquel, Michelle Romero, Nuria e Iris.
Os socios deportivistas teñen libre acceso ao recinto arteixán. Para o público, a entrada sénior costa 10 euros e 3 euros para os menores de 16 anos.
