Diego Caballo xa se exercita no campo, aínda que co readaptador
Diego Caballo xa realizou esta mañá un adestramento en céspede. Iso si, fíxoo sen máscara protectora e á marxe do grupo, ás ordes do readaptador do primeiro equipo, Fran Molano.
Nos próximos días, os Servizos Médicos procederán á elaboración dun mecanismo de protección para que o xogador salmantino poida ir reincorporándose aos adestramentos co grupo.
O resto do cadro, sen Diego Rolan, que quedou no ximnasio cun adestramento específico, realizou após un quecemento un exercicio táctico ataque-defensa, un partido 11 contra 11 e, para concluír, un ensaio de accións a balón parado.
Os fabrilistas Mujaid, Gandoy, Javi Sánchez, David Sánchez, Boian, Martí Vilà estiveron esta mañá ás ordes de Anquela.
Mañá venres, o equipo adestrarase en ABANCA-RIAZOR, nunha sesión a porta pechada que arrincará ás 10:00.