RCDeportivo RCDeportivo RCDeportivo
Skip to main content
GL
PORTADA

Diego Villares, xogador Estrella Galicia do Dépor en setembro

Unha temporada máis, Estrella Galicia e o RC Deportivo entregarán o galardón ao mellor futbolista de cada mes. Un gañador escollido polos afeccionados que votan entre o tres finalistas que elixen os profesionais da comunicación que seguen a diario a actualidade do Club.

No arranque da temporada a terna de candidatos formárona Mario Soriano, Diego Villares e Trilli. O xogador vilalbés impúxose na votación realizada pola afección Deportivista co 63,5% dos case 3.000 votos (2.957), por diante do 29,1% de Soriano e o 7,4% de Trilli.

Diego Villares recolle deste xeito un novo premio como Xogador Estrella Galicia do Dépor xa que hai dúas temporada, na do seu debut co primeiro equipo, erixiuse como o gañador do trofeo anual. O seu bo arranque de campaña, con pleno de titularidades até a pasada fin de semana, dous goles e mesmo a súa estrea como capitán do equipo, serviron para recibir este recoñecemento que o centrocampista agradeceu aos medios de comunicación por situalo entre os finalistas e, especialmente, á afección que llo outorgou definitivamente.