- Foto: RFEF -
As xogadoras do Deportivo ABANCA Malena Mieres e Teresa Abelleira están en Suíza coa selección española, na defensa do título de campioas de Europa sub-19.
A gardameta e centrocampista branquiazuis enfróntanse mañá venres 27 de xullo (18:15) a Dinamarca na segunda semifinal. Será no estadio de Biel/Bienne.
Malena e Teresa foron titulares o pasado martes 24 de xullo no gran triunfo hispano (1-2) ante Francia que supuxo o pasaporte ás semifinais continentais.
O partido decidiuse no tramo final. Athenea adiantou ás españolas no minuto 70. Igualou Francia no 80 e Olga Carmona lograba o tanto definitivo no minuto 84.
Malena xogou todo o partido no que foi o seu debut nesta competición e Teresa Abelleira foi substituída no minuto 87, nun cambio táctico.
Na Fase de Grupos, a mediocentro deportivista foi titular e xogou completo os outros 2 anteriores partidos, ante Noruega e Suíza.
O calendario do equipo español, cos resultados dos partidos xa xogados, é o seguinte:
Fase de Grupos
Mércores 18 de xullo
ESPAÑA 0 - NORUEGA 2
Sábado 21 de xullo
SUÍZA 0 - ESPAÑA 2
Martes 24 de xullo
FRANCIA 1 - ESPAÑA 2
Venres 27 de xullo
Semifinal
18:15: ESPAÑA - DINAMARCA en Biel/Bienne
