RCD / NOVAS

Distinta sorte para Borges e Andone coas súas seleccións onte venres

  Dous deportivistas tiveron partido onte venres (e madrugada de hoxe sábado) coas súas respectivas seleccións nacionais, neste parón ligueiro de novembro: Andone e Celso Borges. Os outros dous xogadores branquiazuis también convocados, Emre Çolak e Fayçao Fajr, xogan hoxe sábado 12 de novembro.

12/11/2016 13:29

Polonia foi un duro rival para Florin Andone, que xogou a segunda metade
 
O dianteiro Florin Andone arrincou no banco o partido da súa selección, Romanía, ante Polonia, clasificatorio para o Mundial de Rusia 2018. O ariete deportivista xogou a segunda parte, aínda que non puido evitar a derrota do seu equipo (0-3).
 
O segundo partido da selección romanesa deste parón de novembro será amigable, ante Rusia, o martes 15 de novembro na cidade rusa de Grozny. O choque arrincará ás 19.00 horas (hora local) no Achmat Area.
 
Celso Borges, titular en Trinidad e Tobago
 
Celso Borges foi titular esta madrugada pasada con Costa Rica en Trinidad e Tobago. O partido, tamén clasificatorio para o Mundial de Rusia 2018, saldouse con vitoria costarriqueña (0-2). Borges disputou o noventa minutos, como é habitual.
 
O martes 15 de novembro, Costa Rica recibe en San José a Estados Unidos, ás 20.05 (hora local) no Estadio Nacional de Costa Rica.
 
Fayçal, hoxe sábado ante a potente Costa do Marfil
 
Fayçal Fajr e o combinado marroquí reciben á conta de Marfil hoxe sábado 12 de novembro no Gran Estadio de Marrakech (20.00, hora local), en partido clasificatorio para o Mundial de Rusia de 2018.
 
O martes 15 de novembro, no mesmo escenario (Gran Estadio de Marrakech), Marrocos mídese a Togo, esta vez nun partido de carácter amigable.
 
Emre Çolak, con Turquía fronte a Kósovo
 
Emre Çolak, con Turquía, recibe no Antalya Area da cidade de Antalya a Kósovo, hoxe sábado 12 de novembro ás 20.00 horas (hora local). O choque é clasificatorio para o próximo Campionato do Mundo.
 
Será o único encontro da selección turca neste parón de seleccións.

Máis novas de: BORGES, FAYÇAL, EMRE ÇOLAK, ANDONE