RCD / NOVAS

Dobre triunfo branquiazul nos partidos disputados hoxe en #ANOSACANTEIRA

10/04/2019 21:37

Catro equipos de #ANOSACANTEIRA adiantan ao fin de semana os seus partidos debido á festividade da Semana Santa.

Hoxe mércores 10 de abril xogaron e gañaron o Alevín B e Benxamín B ao Atlético Coruña Montañeiros CF C e Atlético Coruña Montañeiros CF B (7-0 e 0-11) respectivamente.

O venres 12, o Cadete A, aproveitando o parón da Semana Santa na División de Honra, recibe ao Ourense CF en Abegondo (18:30, campo 3), en partido correspondente á 21ª xornada que foi aprazado o pasado 2 de febreiro debido ao temporal de vento e choiva que azoutou eses días a comarca da Coruña. A entrada será gratuíta para os afeccionados.

Ese mesmo venres, tamén con acceso libre, o Infantil B mídese en Abegondo ao Compañía de María (18:30), en partido correspondente á 33ª xornada de liga na Primeira Autonómica, grupo 1º.

Para a fin de semana queda na Cidade Deportiva outros 3 partidos. O Infantil A enfróntase o sábado 13 (11:30) ao Pabellón Ourense CF na Fase polo Título da liga Galega. Os socios do RC Deportivo teñen acceso gratuíto; e para o público, a entrada custa 3 euros.

O domingo 14, o Deportivo ABANCA B ten derbi coruñés de Primeira Autonómica ante o Victoria CF B (12:00), con entrada libre para o público.

E pola tarde (17:00 horas), o Fabril recibe a un Atlético de Madrid B instalado na zona alta do grupo 1º da Segunda División B.

Para este choque de filiais, os socios teñen libre acceso a Abegondo. O público paga 10 euros; e 3 euros os menores de 16 anos.

Teñen parón ligueiro Xuvenil B e Cadete B, ademais do Xuvenil A, que finalizou xa a liga na División de Honra.

Finalmente, o partido do Alevín A correspondente a esta xornada do Trofeo Conservas Calvo de fútbol 11 en Carballo ante o EF Luis Calvo Sanz A xogarase finalmente o luns 22 de abril ás 17:00 horas.

O calendario de partidos, cos resultados dos xa xogados, é o seguinte:

Segunda División B
33ª xornada: FABRIL - ATLÉTICO DE MADRID B, o domingo 14 de abril ás 17:00 en Abegondo
Clasificación: ... 15. Burgos CF, 37 puntos; 16. Las Palmas Atlético, 35 puntos; 17. AD Unión Adarve, 33 puntos; 18. Rápido de Bouzas, 32 puntos; 19. CDA Navalcarnero, 24 puntos; 20. Fabril, 20 puntos

Categoría feminina
26ª xornada: DEPORTIVO ABANCA B - VICTORIA CF B, o domingo 14 de abril ás 12:00 en Abegondo
Clasificación da Primeira Autonómica: 1. Deportivo ABANCA B, 71 puntos; 2. Viaxes InterRías FF, 67 puntos...

Categoría xuvenil
Clasificación final da División de Honra: ... 3. Real Racing Club, 65 puntos; 4. Ural CF, 54 puntos; 5. Xuvenil A, 53 puntos; 6. CD Lugo, 50 puntos; 7. Real Oviedo, 49 puntos...

Clasificación da liga Nacional: ... 2. CD Calasanz, 64 puntos; 3. Xuvenil B, 55 puntos; 4. CD Conxo Santiago e Victoria CF, 53 puntos; 6. CD Areosa, Porriño Industrial CF e Pabellón Ourense CF, 47 puntos...

Categoría cadete
21ª xornada: CADETE A - OURENSE CF, o venres 12 de abril ás 18:30 en Abegondo (campo 3)
Clasificación da División de Honra: 1. RC Celta, 81 puntos; 2. Cadete A (un partido menos), 71 puntos; 3. Ural CF, 60 puntos...

Clasificación da liga Galega, grupo norte: ... 2. ED Xuventude de Oroso, 70 puntos; 3. Cadete B, 59 puntos; 4. Racing Villalbés, 54 puntos...

Categoría infantil
13ª xornada: INFANTIL A - PABELLÓN OURENSE CF, o sábado 13 de abril ás 11:30 en Abegondo
Clasificación da liga Galega, Fase polo Título: 1. Infantil A, 36 puntos; 2. RC Celta, 31 puntos...

33ª xornada: INFANTIL B - COMPAÑÍA DE MARÍA, o venres 12 de abril ás 18:30 en Abegondo (campo 7)
Clasificación da Primeira Autonómica, grupo 1º: 1. Infantil B, 86 puntos; 2. Ural CF B, 78 puntos...

Categoría alevín
Amigable: ALEVÍN A 7 (Pedro -2-, Jairo, Álex, Daniel, Murilo e Íker) - ATLÉTICO ARTEIXO (infantil) 1

9ª xornada: EF LUÍS CALVO SANZ A - ALEVÍN A, o luns 22 de abril ás 17:00 nas Eiroas (Carballo)
Clasificación do Trofeo Conservas Calvo de fútbol 11, grupo norte: 1. Victoria CF, 24 puntos; 2. Ural CF A, 21 puntos; 3. Alevín A e CD Calasanz A, 19 puntos; 5. EF Luis Calvo Sanz A, 15 puntos...

8ª xornada: ALEVÍN B 7 (Leandro -3-, Rubén, Eder, Balbas e Raúl) - ATLÉTICO CORUÑA MONTAÑEROS CF C 0
Clasificación da Segunda Fase da Segunda Comarcal: 1. Alevín B (un partido máis), 24 puntos; 2. Ural CF C, 18 puntos; 3. Atlético Coruña Montañeros CF C, 15 puntos...

Categoría benxamín
20ª xornada: BENXAMÍN A - ATLÉTICO LOS CASTROS, o sábado 13 de abril ás 10:30 en La Torre (campo 2.2)
Clasificación da Primeira Comarcal A Coruña: 1. Benxamín A, 51 puntos; 2. CD Calasanz A, 49 puntos; 3. Victoria CF A, 45 puntos...

9ª xornada: ATLÉTICO CORUÑA MONTAÑEROS CF B 0 - BENXAMÍN B 11 (Rodrigo -4-, Iago Varela -3-, José Quiroga, Iago Lameiro, Hugo e Javi)
Clasificación da Segunda Fase, grupo 1º A Coruña: 1. Benxamín B (un partido máis), 24 puntos; 2. CD Calasanz B, 18 puntos...