O Deportivo ABANCA B cultivou un empate agridoce (1-1) en Abegondo ante un dos 'fanfurriñeiros' da categoría, o Viaxes InterRías FF, en partido correspondente á 11ª xornada no subgrupo A de Primeira Nacional.
As branquiazuis superaron por momentos ao seu rival e gozaron das mellores ocasións. Faltou puntaría e sorte para que o tres puntos quedasen na Cidade Deportiva. Sara Álvarez, de falta directa, foi a autora do único tanto do Deportivo ABANCA B.
Con este resultado, o conxunto deportivista é cuarto na táboa con 17 puntos e un partido menos xogado. O UD Mos é terceiro con 18 puntos pero con dous encontros menos disputados.
Deportivo ABANCA B: Jessica, Patri López, Sara Álvarez, Paula Novo, Navia, Nuria Torres, María Figueroa, María Calvo, Eva Dios, Tati e Aroa. Tamén xogaron: Marta Méndez, Rivas, Lara e Andrea Ansede.
A próxima fin de semana, o Deportivo ABANCA B visita ao Victoria FC de Santiago.
Os resultados do Dépor ABANCA B en liga son os seguintes:
Deportivo ABANCA B 9 (Aroa -4-, Eva Dios -2-, María Calvo -2- e Navia) - Umia CF 0
Viaxes InterRías FF 3 - Deportivo ABANCA B 1 (Nuria Torres)
Deportivo ABANCA B 3 (María Calvo, Carlota e unha futbolista rival en propia meta) - Victoria FC 1
UD Mos 1 - Deportivo ABANCA B 1 (Tati)
Deportivo ABANCA B 15 (Lucía -4-, Eva Dios -3-, Andrea Ansede -3-, Marta Rico -2-, Carlota, Lara e Patri López) - CD Valladares 0
Atlético Arousana 1 - Deportivo ABANCA B 2 (Eva Dios e Nuria Torres)
Deportivo ABANCA B 4 (Nuria Torres, María Calvo, Aroa Guerra e unha futbolista rival en propia meta) - Sárdoma CF 2
Victoria CF 2 - Deportivo ABANCA B 1 (Eva Dios)
Umia CF 4 - Deportivo ABANCA B 1 (Eva Dios)
Deportivo ABANCA B 1 (Sara Álvarez) - Viaxes InterRías FF 1
