O Xuvenil A abriu hoxe venres en Abegondo con empate (2-2) ante o CSD Arzúa de Tercera RFEF o calendario de amigables de #ANOSACANTEIRA previsto para esta fin de semana.
Hugo Baldomar e Ogando foron os autores do goles deportivistas nun test con minutos para todos os convocados.
Foi a segunda cita para os pupilos de Manuel Pablo nesta pretemporada despois do choque da pasada fin de semana en Cee ante o Real Madrid e que se saldou con triunfo merengue: 0-4.
A fin de semana haberá amigable ademais para o Fabril, concretamente mañá sábado ás 11:00 en Abegondo; e para o Xuvenil B, o domingo ás 19:00 en Valdoviño.
O filial deportivista mídese ao CD Arenteiro de Segunda RFEF coas ausencias de Brais Val, Jairo, Ángel Puerto, Yeremay, Mella, Tim Caroutas e Marcel, citados polo primeiro equipo para o partido en Viveiro ante o Real Madrid Castilla; e de Davo e Martín Ochoa, lesionados.
O calendario de partidos amigables desta semana, cos resultados dos xa xogados, é o seguinte:
Terceira RFEF
FABRIL 2 (Padín e Iván) - SILVA SD 0
FABRIL - CD ARENTEIRO, mañá sábado 6 de agosto ás 11:00 en Abegondo (campo 4)
Categoría xuvenil
XUVENIL A 2 (Hugo Baldomar e Ogando) - CSD ARZÚA (Tercera RFEF) 2
SD VALDOVIÑO (Primeira Aut.) - XUVENIL B, o domingo 7 de agosto ás 19:00 no campo de fútbol Juan Sabín (Valdoviño)
