Este xoves 7 de setembro o Estadio ABANCA-RIAZOR acolle a presentación oficial das fichaxes do Dépor 2017-2018. O acto, de entrada libre para todos os afeccionados, comezará ás 19:00 horas. As portas do municipal coruñés abriranse ás 18:00 h. Para maior fluidez nos accesos e evitar as colas sobre a estrada e as estreitas beirarrúas da rúa Manuel Murguía, habilitaranse para acceder as portas 4 e 27, as situadas nas ramplas de Tribuna, sobre a DéporTienda e xunto a Casa da Auga.
Desde aí, os deportivistas, poderán ocupar o asento que desexen en Tribuna Inferior para recibir ás novas incorporacións do Dépor para esta temporada. Música, lanzamento de balóns, fotos e autógrafos completarán este acto que cada ano, ao comezo da campaña, acolle ABANCA-RIAZOR.
