Desde o luns 16 de xaneiro están á venda na Oficina de Atención ao Deportivista de Riazor as entradas para os dous próximos desprazamentos do Deportivo, o da xornada 19 de LaLiga fronte á UD Las Palmas no Estadio de Gran Canaria (venres 20 de xaneiro, 20:45 h.) e o da xornada 20 en Ipurua fronte á SD Eibar (sábado 28 de xaneiro, 18:30 h.).
As entradas para o Estadio de Gran Canaria teñen un prezo de 30 euros, mentres que as de Ipurua custan 25. Cada socio do Deportivo poderá comprar dúas entradas por carné, sendo imprescindible identificar debidamente no momento da compra aos destinatarios finais das localidades.
Os tickets están a disposición dos socios do RC Deportivo no horario habitual da Oficina de Atención ao Deportivista, de lun a venres, de 10:00 a 13:30 e de 16:30 a 19:00 h.
