Desde esta tarde, a Oficina de Atención ao Deportivista despachará as entradas dispoñibles para o partido correspondente á 27ª xornada de LaLiga 1|2|3, que se disputará o domingo 24 no Estadio de La Rosaleda a partir das 18:00 horas (Movistar Partidazo) ante o Málaga CF.
O prezo de cada entrada é de 25 euros. Cada socio poderá adquirir un máximo de 2 localidades co seu carné, só 2 entradas por persoa en portelo, e será imprescindible mostrar o DNI do segundo destinatario dos tickets ou unha fotocopia do mesmo (o outro debe ser o propio socio que adquire as entradas).
Os billetes estarán á venda até o vindeiro xoves 21 ás 13:30, hora de peche de mediodía da OAD.
Os peñistas deberán xestionar as súas entradas a través da Federación de Peñas.
