Ás 10:20 horas desta mañá esgotáronse as últimas 76 localidades dispoñibles para o Sporting-Dépor do domingo ás 18:00 h. no Estadio do Molinón-Enrique Castro Quini (Movistar Partidazo).
Entre todo o día de onte e os primeiros 20 minutos de hoxe esgotáronse as 600 entradas postas a disposición dos socios do Real Club Deportivo para o encontro, ás que se suman as 300 xestionadas por Aficiones Unidas e as 200 polas peñas en virtude do convenio entre o Club e a Federación de Peñas do Deportivo.
Deste xeito, 1.100 deportivistas animarán ao equipo nun dos partidos a domicilio máis esperados da temporada.
